طريقة استخدام EGXpert

تبدأ إزاي

1. ١

   اعمل حساب

   سجّل ببريدك الإلكتروني وفعّله من الرابط اللي هيوصلك. هتاخد تجربة مجانية ٥ أيام تداول بكل المزايا، بدون بطاقة ائتمان. أول ما تدخل هنطلب منك رقم موبايلك.

2. ٢

   اختار أسلوبك في الاستثمار

   أول مرة تفتح لوحة التحكم هيظهرلك سؤال لازم تجاوبه: مضارب (أيام) ولا متوسط المدى (أسابيع) ولا طويل المدى (شهور). اختيارك بيحدد مسافة وقف الخسارة وجني الأرباح وحجم الصفقة، وتقدر تغيّره بعدين من «البروفايل والإعدادات».

3. ٣

   ضيف أسهمك

   صوّر شاشة محفظتك من تطبيق السمسار وارفعها من زرار «رفع صور المحفظة» فوق، وهي تتقرا تلقائيًا. أو افتح «إدخال يدوي» ← «صفقة جديدة» وسجّل كل سهم بالكمية وسعر الشراء.

4. ٤

   تابع يوميًا وسجّل كل صفقة

   كل سهم عليه توصية واضحة (احتفاظ، بيع جزئي، جني أرباح، خروج) بالسعر اللحظي، مع تنبيه لو قرب من وقف الخسارة. وأي بيع أو شراء تنفّذه عند السمسار سجّله فورًا عشان التحليل يفضل على أرقامك الحقيقية. إغلاق كل يوم بيتسجّل لوحده — مش محتاج تعمل حاجة.

إزاي تستخدم تحليل الكاش

لو معاك فلوس مش مستثمرة، تحليل الكاش بيقولك تعمل بيها إيه: تشتري أنهي أسهم، بكمية كام وبسعر كام، وتسيب قد إيه احتياطي.

1. 1

   اكتب رصيد الكاش وحلّله

   من شاشة «تحليل الكاش» اكتب رصيدك الفعلي في «المبلغ» ودوس «حلل الكاش» اللي جنبه — الرصيد هيتحفظ ويتحلل في نفس الخطوة. الصفقات اللي بتسجّلها من «إدخال يدوي» بتعدّل الكاش لوحدها. تحته هتلاقي نسبة الكاش من محفظتك ونصيحة سريعة حسب النسبة دي.

2. 2

   راجع خطة التوزيع

   هتفتح نافذة «أفضل توزيع للكاش». لو عايز الاختيار يبقى من مؤشر معيّن اختاره من فوق (EGX30، EGX70، …)، أو سيبها «الكل». ولو عايز تعرف الحساب ماشي إزاي، افتح «تحليل الكاش بيعمل إيه بالظبط؟» تحت زرار «حلل الكاش» — فيه كل خطوة بالأرقام اللي بتنطبق على أسلوبك.

3. 3

   اقرأ الملخص

   الكاش المتاح، والمبلغ «القابل للتوزيع» بعد ما يتشال الاحتياطي، و«متوسط لكل سهم» — يعني تقريبًا هتحط كام في كل سهم. الخطة بتوزّع الفلوس على سهمين على الأقل (لو فيه أسهم مناسبة كفاية)، عشان متحطش الكاش كله في سهم واحد.

4. 4

   شوف اقتراح كل سهم

   لكل سهم مختار: عدد الأسهم، سعر الدخول، التكلفة، والكاش اللي هيفضل معاك بعد الشراء — ومعاه وقف الخسارة والهدف والتقييم من ١٠٠. ودوس «التحليل الكامل» لو عايز تشوف السهم بالتفصيل.

5. 5

   اقرأ رأي الذكاء الاصطناعي في كل سهم

   تحت كل اقتراح بيظهر تعليق بيقولك: اشتري دلوقتي، اشتري على تصحيح، استنى، أو سيبه — مع درجة الثقة، وهل السهم بيناسب محفظتك، والحاجة اللي تراقبها. التعليق ده بيقيّم الخطة بس ومبيغيّرش أي رقم فيها.

6. 6

   نفّذ وسجّل

   اشتري بأوامر محددة من تطبيق السمسار، مش بسعر السوق. بعد كل عملية سجّلها من «إدخال يدوي» ← «صفقة جديدة» عشان الكاش والمراكز يتحدّثوا.

كل باقة ليها عدد مرات تحليل كاش متاح في الشهر (شوف صفحة الأسعار)، والعدد الباقي مكتوب تحت الزرار. فتح التحليل بيخصم محاولة، ولو فتحته تاني خلال 10 دقايق مبيتحسبش محاولة تانية. والتحليل بيشتغل على الكاش المسجّل عندك بس، فحدّثه الأول.